Улоги и дозволи, чекор по чекор
Усогласеноста со барањата за пристапност е тимска работа. Без разлика дали работите со програмери, лица одговорни за усогласеност, менаџери на производи или надворешни партнери, соработката треба да биде добро организирана.
Во EaseAccess24 членовите на тимот ги поканувате и им доделувате улоги директно од поставките на организацијата. Така имате целосна контрола врз тоа кој до што има пристап и кој за што е задолжен.
Еве како функционира.
Отворете ги поставките на организацијата
За да го поканите тимот, отворете ја контролната табла и одете на:
Settings → Organisation
Тука управувате со корисниците, улогите и дозволите во целата организација.
На ова место ги гледате постојните членови на тимот, можете да им го промените нивото на пристап или да поканите нови корисници.
Поканете нови корисници
Во делот „Organisation“ (Организација) нов член на тимот поканувате така што ќе ја внесете неговата адреса за е-пошта.
Поканетите корисници добиваат пристап до работниот простор на организацијата, според дозволите што ќе им ги доделите.
Така новите членови се вклучуваат во работата организирано, а никој не добива администраторски пристап што не му е потребен.
Доделете однапред дефинирани улоги
EaseAccess24 има однапред дефинирани улоги што го олеснуваат управувањето со тимот.
Според потребите на организацијата, можете да доделите улоги како:
„Organisation Admin“ (администратор на организацијата) – целосна контрола врз системот, вклучително и плаќањето и поставките
„Accessibility Manager“ (менаџер за пристапност) – управува со скенирањата, поправките и процесите за усогласеност
„Organisation Member“ (член на организацијата) – ограничен пристап за секојдневна работа
Секоја улога има однапред дефинирани дозволи, за да биде јасно кој што смее и за да бидат податоците безбедни.
Создајте сопствени дозволи
Ако тимот работи на посложен начин, можете да создадете сопствени групи дозволи.
Така точно одредувате дали корисникот може да:
• скенира пристапност
• одобрува поправки предложени со помош на вештачка интелигенција
• ги менува поставките на виџетот
• ги отвора извештаите за усогласеност
• управува со поставките за следење
Со сопствените дозволи платформата верно ја отсликува внатрешната организација и поделбата на надлежностите.
Одговорност и контрола
Пристапот според улоги значи дека:
• чувствителните поставки се заштитени
• тимовите соработуваат ефикасно
• секоја активност поврзана со усогласеноста може да се следи
• одговорностите се јасно поделени
Секоја иницијатива за пристапност оди подобро кога е јасно кој е одговорен и кој до што има пристап.
Изградете тим за пристапност
Пристапноста не е обврска на еден човек. Потребна е соработка меѓу техничките тимови, менаџерите за усогласеност и раководството.
Кога ќе го поканите тимот и ќе ги доделите соодветните дозволи, EaseAccess24 престанува да биде само алатка и станува систем за организирана работа на пристапноста.
За да започнете, одете на:
Settings → Organisation
Поканете го тимот. Доделете улоги. Поделете ги одговорностите.
Пристапноста функционира најдобро кога секој има точно онолку пристап колку што му треба – и точно онолку одговорност.



